Саха сиригэр эбии 58 киһи коронавирустаата

Ааспыт сууккаҕа Саха сиригэр эбии 58 киһи коронавирустаата. Бу туһунан бүгүн, балаҕан ыйын 7 күнүгэр, өрөспүүбүлүкэтээҕи суһал штаб салайааччытын солбуйааччы Ольга Балабкина эпидемиологическай балаһыанньа туһунан брифинг кэмигэр иһитиннэрдэ.

Дьокуускайга 31 саҥа түбэлтэ бэлиэтэннэ, Миирнэй оройуонугар — сэттэ, Алдаҥҥа, Үөһээ Бүлүүгэ, Намҥа, Ньурбаҕа, Чурапчыга — иккилии, Бүлүҥҥа, Дьааҥыга, Бүлүүгэ, Горнайга, Ленскэйгэ, Нерюнгригэ, Өймөкөөҥҥө, Орто Халымаҕа, Тааттаҕа уонна Уус Алдаҥҥа — биирдии.

Биир киһи тыына быһынна.

Ааспыт суукка иһигэр өрөспүүбүлүкэ лабораториялара 1988 коронавируска анализ чинчийиитин ыыттылар.