Саха сиригэр эбии 72 киһи коронавирустаата

Ааспыт суккаҕа өрөспүүбүлүкэҕэ эбии 72 киһи коронавирус инфекциятынан сутуллубута бигэргэннэ. Бу туһунан бүгүн, бэс ыйын 25 күнүгэр Ил Дархан Айсен Николаев эпидемиологическэй балаһыанньа боппуроустарынан брифинг кэмигэр иһитиннэрдэ.

Ол курдук, Дьокуускайга эбии 60 киһи коронавирустаата, Нерюнгригэ — түөрт, Мэҥэ Хаҥаласка — үс, Тааттаҕа — икки, Аммаҕа, Дьааҥыга уонна Ленскэйгэ — биирдии.

Пандемия саҕаланыаҕыттан Саха сирин үрдүнэн уопсайа 3963 киһи коронавирустаата, 2805 киһи толору эмтэннэ, 28 киһи тыына быһынна.

Бүгүҥҥү күҥҥэ 30 ыарыһах туруга ыараханынан сыаналанар.