Саха сиригэр эбии 80 киһи коронавирустаата

Ааспыт сууккаҕа Саха сиригэр эбии 80 киһи коронавирустаабыта билиннэ. Бу туһунан бүгүн, ыам ыйын 22 күнүгэр вице-премьер Ольга Балабкина брифинг кэмигэр иһитиннэрдэ.

Дьокуускайга коронавируһунан ыалдьыы эбии 47 саҥа түбэлтэтэ бигэргэннэ, 17 киһи — Нам улууһун Салбаныгар, биэс киһи — Ленскэйгэ, түөрт — Нерюнгригэ, Өймөкөөҥҥө уонна Тааттаҕа — иккилии, биирдии саҥа түбэлтэ Миирнэй, Үөһээ Бүлүү уонна Мэҥэ Хаҥалас улуустарыгар.

Ыалдьыбыт дьон бары балыыһаҕа киллэрилиннилэр, алтыспыт дьоннорун быһаарыы уонна изоляциялааһын ыытыллар.