Саха сиригэр эбии 84 киһи коронавирустаата

Саха сиригэр ааспыт сууккаҕа эбии 84 киһи коронавирустаабыта бигэргэннэ. Бу туһунан өрөспүүбүлүкэтээҕи суһал штаб иһитиннэрэр.

Дьокуускайга 42 саҥа түбэлтэ бэлиэтэннэ, Мэҥэ Хаҥаласка — алта, Намҥа — биэс, Үөһээ Бүлүүгэ, Миирнэйгэ, Нерюнгригэ, Ньурбаҕа — түөртүү, Лиэнскэйгэ, Сунтаарга, Уус Алдаҥҥа — үстүү, Алдаҥҥа уонна Аммаҕа — иккилии, Горнайга уонна Кэбээйигэ — биирдии.