Саха сиригэр эбии 85 киһи коронавирустаата

Саха сиригэр ааспыт сууккаҕа эбии 85 киһи коронавирустаабыта бэлиэтэннэ. Бу туһунан өрөспүүбүлүкэтээҕи суһал штаб салайааччытын солбуйааччы, вице-премьер Ольга Балабкина бүгүн, балаҕан ыйын 30 күнүгэр эпидемиологическай балаһыанньа туһунан брифинг кэмигэр иһитиннэрдэ.

Дьокуускай куоракка 47 саҥа түбэлтэ бэлиэтэннэ, Миирнэйгэ — тоҕус, Алдаҥҥа — сэттэ, Аммаҕа уонна Нерюнгригэ — түөртүү, Үөһээ Бүлүүгэ уонна Өлүөхүмэҕэ — үстүү, Мэҥэ Хаҥаласка уонна Өймөкөөҥҥө — иккилии, Өлөөҥҥө уонна Хаҥаласка — биирдии киһи коронавирустаабыта бэлиэтэннэ.

Биир коронавирустаах киһи тыына быһынна.