Саха сиригэр эбии 87 киһи коронавирустаата

Саха сиригэр ааспыт сууккаҕа эбии 87 киһи коронавирустаабыта бэлиэтэнэр. Бу туһунан бүгүн, алтынньы 1 күнүгэр өрөспүүбүлүкэтээҕи суһал штаб салайааччытын солбуйааччы, вице-премьер Ольга Балабкина иһитиннэрдэ.

Дьокуускайга 48 саҥа түбэлтэ бэлиэтэннэ, Алдаҥҥа уонна Мэҥэ Хаҥаласка — сэттэлии, Миирнэйгэ — алта, Аммаҕа уонна Өймөкөөҥҥө — түөртүү, Намҥа, Нерюнгригэ уонна Сунтаарга — үстүү, Уус Аладаҥҥа — икки киһи коронавирустаата.

Өрөспүүбүлүкэ лабораториялара бүтэһик суукка иһигэр 4 005 COVID-19 вирус аналиһын чинчийдилэр. Пандемия саҕаланыаҕыттан уопсайа 484 799 коронавируска тест чинчийилиннэ.