Саха сиригэр эбии 87 киһи коронавирустаата

Саха сиригэр ааспыт сууккаҕа эбии 87 киһи коронавирустаата. Бу туһунан бүгүн, балаҕан ыйын 28 күнүгэр, Ил Дархан Айсен Николаев өрөспүүбүлүкэ эпидемиологическай балаһыанньатын туһунан брифинг кэмигэр иһитиннэрдэ.

Дьокуускайга 45 саҥа түбэлтэ бэлиэтэннэ, Уус Алдаҥҥа — 10, Миирнэйгэ — алта , Мэҥэ Хаҥаласка — биэс. Эдьигээҥҥэ, Ленскэйгэ, Намҥа уонна Нерюнгригэ — үстүү саҥа түбэлтэ бэлиэтэннэ. Аллараа Халымаҕа, Орто Халымаҕа, Тааттаҕа уонна Хаҥаласка — иккилии түбэлтэ. Уус Майаҕа биир түбэлтэ бэлиэтэннэ.

Ыалдьыбыттары кытта чугас алтыспыт дьон быһаарылыннылар уонна изоляцияланнылар.

Суукка иһигэр өрөспүүбүлүкэ лабораториялара 2 782 коронавируска аналиһы чинчийдилэр. Пандемия саҕаланыаҕыттан уопсайа 474 306 тест чинчийилиннэ.