Саха сиригэр «Глобальнай бизнес – 2020» үөрэхтээһин бырагыраамата саҕаланна

Бүгүн саҕаламмыт «Глобальнай бизнес – 2020» үөрэхтээһин бырагыраамата, 2021 сыл олунньу ыйыгар диэри салҕаныаҕа. Бу туһунан СӨ баһылыгын уонна бырабыыталыстыбатын пресс-сулууспата иһитиннэрэр.

Бырагыраама 6 модультан турара, Саха сирин хампаанньаларын дохуоттарын хаҥатыыга уонна тас ырыынактарга кытыыларын кэҥэтиигэ туһаайыллара бэлиэтэнэр.

«Эһиги саҥа ураты үөрэхтээһин бырагырааматын бастакы саҕалааччыларынан буолаҕыт. Бастыҥ уһуйааччылар уопуттара уонна хамаандалар тус сыаллара үчүгэй түмүктэри көрдөрүөҕэ диэн эрэнэрбин», – диэн Ил Дархан Айсен Николаев кытааччыларга бэйэтин санаатын эттэ.

Бырагыраама куратора, М. В. Ломоносов аатынан Москватааҕы судаарыстыбаннай үнүбэрситиэт преподавателэ Андрей Пуртов өрөспүүбүлүкэ улахан кыахтааҕын бэлиэтээтэ. Ону тэҥэ саҥа креативнай экономиканы, экономика билиилэрин уонна күүстээх каадырдары тутан таһаарарга сөптөөх тирэхтээҕин ыйда.

Бырагыраама Саха сирин сайыннарыы корпорациятын көҕүлээһининэн үлэтин саҕалаата. «Якутия» авахампаанньа, «ТЦТР» ГУП, «Дьокуукайдааҕы килиэп кэмбинээтэ» АУо, «Сахабулт» ФАПК, Арктикатааҕы судаарыстыбаннай култуура уонна искуустуба института, «Якутия» ФАПК, «Сэйбиэм» ХЭУо уо.д.а. хампаанньалар уонна тэрилтэлэр кыттыыны ылыахтара.