Саха сиригэр хостоммут «Призрак Розы» бриллиант Женеваҕа $26,6 мөл. атыыланна

АЛРОСА Саха сиригэр хостообут, сэдэх оруосабай дьүһүннээх кырыыламмыт алмааһа Женева куоракка аукциоҥҥа $26,6 мөл. атыыланна. Бу туһунан ТАСС иһитиннэрэр.

«Оруосабай алмаас айылҕаҕа сэдэхтик көстөр. Алмаастар биир эрэ бырыһыаннара 10 караттан улахан ыйааһыннаах буолар», — диэтэ Sotheby’s күндү маллар норуоттар икки ардыларынааҕаы салаатын салайааччыта Гари Шулер.

14,83 караттаах күндү таас 23-38 мөлүйүөн долларга сыаналаммыта бэлиэтэнэр.

Ньолбоҕор быһыылаах бриллиант, Россия алмаас хостооһунун историятыгар булуллубут 27,85 караттаах саамай улахан оруосабай алмаастан оҥоһуллубута. Кини Нуучча балетын Михаил Дягилев труппата 1911 сыллаахха аан бастаан туруорбут Михаил Фокин «Призрак Розы» биллиилээх балетын чиэһигэр ааттаммыт.