Саха сиригэр көстүбүт алмааска Петр Яковлев аатын иҥэрдилэр

Удачнайга көстүбүт 52,73 караттаах алмааска Социалистическай үлэ Дьоруойа Петр Яковлев аатын иҥэрдилэр. Бу туһунан Ил Дархан Айсен Николаев бэйэтин Instagram аккаунугар суруйда.

«АЛРОСА хампаанньа хостообут бөдөҥ алмаастарыгар Саха сирин аатырбыт дьонун ааттарын иҥэрии үтүө үгэһэ салҕанар. Бүгүн Аҕа дойдуну көмүскээччилэр күннэрин көрсө Социалистическай үлэ Дьоруойа, Саха АССР норуотун хаһаайыстыбатын үтүөлээх үлэһитэ — Петр Ионович Яковлев 100 сааһа бэлиэтэнэр», — диэн суруйда.

Петр Ионович Яковлев 1921 сыллаахха олунньу 22 күнүгэр Амма улууһун Өнньүөһүгэр төрөөбүт. Аҕа дойду сэриитин кыттыылааҕа. «Хорсунун иһин» мэтээл хаһаайына, Ленин уордьана бочуот бэлиэ икки төгүллээх кавалера. ССРС ВДНХ-тын үс кыһыл көмүс уонна биир боруонса мэтээлин хаһаайына. Саха АССР Үрдүкү Сэбиэтин дьокутаата.

Айсен Николаев бэлиэтээбитинэн, бу алмаас сертификата уонна суола Амма улуустааҕы түмэлигэр бэриллиэҕэ.