Саха сиригэр кинотеатрдар уонна бассейнар үлэлэрэ сөргүтүллүөҕэ

Өрөспүүбүлүкэҕэ кинотеатрдар уонна бассейнар үлэлээн саҕалыахтара. Бу туһунан Ил Дархан Айсен Николаев аһаҕас эфиргэ иһитиннэрдэ.

Айсен Николаев этэринэн, Саха сиригэр коронавирус балаһыанньата сорох хааччахтааһыннары устары көҥүллүүр. Бу туһунан дьаһалга сарсын илии баттаныаҕа.

Саала туолуута 50 %-тан үрдээбэт усулуобуйатыгар, тэрилтэлэр үлэлээн саҕалыахтара. Ону тэҥэ, инпиэксийэттэн харыстанар бары миэрэлэр тутуһуллуохтара.