Саха сиригэр коронавируһунан ыалдьыбыт киһи 70 % үтүөрдэ

Балаҕан ыйын 29 күнүнээҕи туругунан, COVID-19 анаалыһа бигэргэммит дьон 75 % үтүөрдэ. Бу туһунан коронавирус балаһыанньатын кэтээн көрөр киин иһитиннэрэр.

«Нэдиэлэ анараа өттүгэр бу көрдөрүү 77 % тэҥнэспитэ. Коронавирустаабыт дьон үтүөрүүтүн көрдөрүүтүнэн, Саха сирэ Уһук Илиҥҥи федеральнай уокурукка ахсыс миэстэҕэ турар», — диэн иһитиннэриигэ этиллэр.

Коронавирустан эмтэммит дьон улахан бырыһыана Чукотскай автономнай уокурукка бэлиэтэнэр — 93 %. Иккис миэстэҕэ — Амурскай уобалас (89 % киһи эмтэммит), үһүс миэстэҕэ — Приморскай кыраай (87 %).

Уһук Илиҥҥи федеральнай уокурукка пандемия кэмигэр уопсайа 64 420 киһи коронавирустаата, мантан 80 %-на үтүөрдэ. Бу дойдуга төрдүс көрдөрүү буолар.