Саха сиригэр коронавируһунан ыалдьыы түбэлтэтэ 14 киһиэхэ тэҥнэстэ

Саха сиригэр коронавируһунан ыалдьыы чахчы бигэргэммит түбэлтэтэ 14 киһиэхэ тэҥнэстэ. Бу туһунан Ил Дархан Айсен Николаев өрөспүүбүлүкэҕэ коронавирустан олохтоммут усулуобуйа туругун боппуруостарынан суруналыыстары кытта күннэтэ ыытыллар көрсүһүү кэмигэр иһитиннэрдэ.

«Бүтэһик үс күн иһигэр Новосибирскайга ыытыллыбыт аналистар түмүктэрэ чопчуланна. Түөрт киһи коронавируһунан ыалдьыбыта бигэргэннэ. Онон өрөспүүбүлүкэ үрдүнэн билиҥҥи күҥҥэ коронавируһунан ыалдьыы чахчы бигэргэммит түбэлтэтэ 14 киһиэхэ тэҥнэстэ», — диэн Ил Дархан эттэ.

Роспотребнадзор ыыппыт чиничийиитинэн, Саха сирин үрдүнэн 300-тэн тахса анализ түмүгүнэн COVID-19 вируһа көстүбэтэҕэ бэлиэтэнэн.