Саха сиригэр коронавирус инфекциятыттан 100 киһи тыына быһынна

Саха сиригэр пандемия саҕаланыаҕыттан коронавирус инфекциятыттан 100 киһи тыына быһынна. Бу туһунан «СтопКоронавирус.Якутия» портал иһитиннэрэр.

Муус устар 26 күнүгэр коронавирус инфекциятыттан өлүү бастакы түбэлтэтэ бэлиэтэммитэ. 65 саастаах дьахтар Дьокуускайдааҕы клиническай балыыһаҕа тыына быстыбыта. Ыарыһах ыарыы хойукку кэрдииһигэр ыарахан туруктаах балыыһаҕа киирбитэ этиллэр.

Пандемия саҕаланыаҕыттан Саха сиригэр коронавируһунан ыалдьыы 9215 түбэлтэтэ бэлиэтэннэ. Ааспыт сууккаҕа эбии 87 киһи коронавирустаата.