Саха сиригэр коронавирустан утары ревакцинацияны 22 тыһыынчаттан тахса киһи ааста

Саха сиригэр коронавирустан утары быһыы иккис компоненын ылбыт 22 122   киһи алта ый ааспытын кэннэ ревакцинацияны аастылар.

Бу туһунан бүгүҥҥү брифиҥҥэ СӨ доруобуйа харыстабылын миниистирин эбээһинэһин толорооччу Лена Афанасьева иһитиннэрдэ.

«Хас биирдии оройуоҥҥа вакцина баар. Бүгүҥҥү күҥҥэ бу ыарыыны вакцина көмөтүнэн эрэ намтатыахха сөп», – диэтэ кини.

Өрөспүүбүлүкэҕэ вакцина бастакы компоненын 370 645 киһи ылбыт, ол иһигэр 60 саастарыттан үөһэлэртэн 72 278 тыһыынча киһи. 

Билигин балыыһалар улахан ноҕуруускалаах үлэлииллэр диэн доруобуйа харыстабылын миниистирин эбээһинэһин толорооччу бэлиэтээтэ.

«Билигин 200 киһи ыараханнык ыалдьар, ол иһигэр 41 киһи ИВЛ аппаратыгар холбонон сытар. Оҕолортон коронавирус ыарыыга 21 % түбэлтэ бэлиэтэммит», — диэн Лена Афанасьева эттэ.

Билигин уустук балаһыанньа Бүлүүгэ, Үөһээ Бүлүүгэ, Мэҥэ Хаҥаласка, Намҥа, Уус Алдаҥҥа, Хаҥаласка бэлиэтэнэр.