Саха сиригэр кыһыҥҥы таҥас сыаната төһөнүй?

Кырыа кыһыны, тоһуттар тымныыны тулуйарга Саха сирин олохтоохторугар сөптөөх, ичигэс таҥас ирдэнэрэ чахчы. Саха сиригэр кыһыҥҥы таҥас сыаната төһөнүй?

Бастатан туран дьахтар таҥаһын ылан көрүөҕүҥ. Дьахтар киһи көннөрү үлэтигэр, итиэннэ биэчэргэ, тыйаатырга, ыалдьыттыы барарыгар диэн ааттаан тас таҥаһа араастаһыан сөп.

  УДАМЫР СЫАНА
(ты
һ. сол.)  
ОРТО СЫАНА
(ты
һ. сол.)
Сон 20 60
Саҕынньах 120-130 250-300
Бэргэһэ 6 100
Соппуоска 9-13 20
Угги 1,5 8
Унтуу 20 40
Халыҥ ыстаан 2,5 5-6

Эр киһи таҥаһа судургу буолара чахчы. Биир сон, баата ыстаан, итиэннэ унтуу оннугар истээх бачыынканан да аа-дьуо кыстыахха сөп.

  УДАМЫР СЫАНА
(ты
һ. сол.)  
ОРТО СЫАНА
(ты
һ. сол.)
Бэргэһэ 0,5-0,8 5
Баата ыстаан 2,5 5-6
Истээх атах таҥаһа 6 10
Унтуу 5 40

Аны оҕо таҥаһын ылан көрүөххэ. Билэрбит курдук, оҕо таҥаһын сыаната улахан дьон киэниттэн хаалсыбат.

  УДАМЫР СЫАНА
(ты
һ. сол.)  
ОРТО СЫАНА
(ты
һ. сол.)
Бэргэһэ 1,5 16-20
Сон 5 15
Баата истээх комбинезон 7 15
Угги 3,5  
Унтуу 4,5 30

Саха сиригэр кыһыны туоруурга үгүөрү үп ирдэнэр эбит. Ылбыт таҥаспытын төһө өр кэтэрбит — барыта бэйэбититтэн тутулуктаах. Хаачыстыбалаах таҥас өр барара чахчы. Онон харчыны атах таҥаһыгар, соҥҥо харыстаабат ордук.