Саха сиригэр оҕо кииннэрин үлэтэ олунньу 1 күнүттэн саҕаланыан сөп

Саха сиригэр 2021 сыл олунньу 1 күнүттэн оҕо кииннэрин үлэтэ сөргүтүллүөн сөп. Бу туһунан Ил Дархан Айсен Николаев быһа эфир кэмигэр иһитиннэрдэ.

«Суһал штаб уонна Роспотребнадзор салалтатын кытта оҕо кииннэрин үлэтин сөргүтүү боппуруоһа көрүллүбүтэ. Коронавирустан олохтоммут балаһыанньа балачча туруктаах буоллаҕына, олунньу 1 күнүттэн санитарнай ирдэбили тутуһан үлэлээн саҕалыахтарын сөп буолуоҕа», — диэн эттэ.

Ону тэҥэ оҕолор сөтүөлүүр секцияларын үлэтэ коронавирус тарҕаныытын сэрэтэр миэрэлэринэн сибээстээн хааччахтанарын бэлиэтээтэ.