Саха сиригэр оҕуруот аһын хомуура түмүктэнэн эрэр

НВК САХА — Саха сиригэр күһүҥҥү хомуур түмүктэнэн эрэр. СӨ Тыа хаһаайыстыбатын министиэристибэтин көрдөрүүтүнэн бүгүҥҥү күн туругунан сэттэ тыһыынча га кэриҥэ хортуоппуй хостонно. Бу сыллааҕы былаан 90 %-гар тэҥнэһэр.

Өссө эбии 789,3 га сири хостуур үлэ хаалла. Өрөспүүбүлүкэ хаһаайыстыбалара 1 га сиртэн ортотунан 9 тыһыынча кэриҥэ хортуоппуй ылаллар. Экспертар бэлиэтииллэринэн быйылгы сылга үүнүү орто көрдөрүүгэ тэҥнэһэр.

Буоларын курдук орто уонна үрдүк үөрэх кыһаларын үөрэнээччилэрэ улахан хаһаайыстыбаларга оҕуруот аһын күһүҥҥү хомууругар көмөлөһөллөр. Быйыл 1,5 тыһыынча устудьуон Амма, Бүлүү, Өлүөхүмэ, Хаҥалас уонна да атын улуустарга үлэлии сылдьар.