Саха сиригэр таһаҕас тиэйэр поезд лесовоһу кытта харсыста

«Болотнай-Амма» хайысхалаах салаа 419-с килэмиэтиригэр таһаҕас тиэйэр поезд умуллан турар маһы тиэйэр тиэхиньикэни катты харсыста. Бу туһунан Саха сирин тимир суолларын пресс-сулуспата иһитиннэрэр.

Быһылаан кулун тутар 22 күнүгэр олохтоох бириэмэнэн 03:15 чааска таҕыста.

«Тепловоз суоппара суһал туормастааһыны туһаммыт, ол да буоллар харсыһыыны туоратар табыллыбатах. Биир да киһи эчэйбэтэ. Тепловоз уонна лесовоз иккиэн кыра алдьаныылаахтар», — диэн этиллэр.

Суолга куттал суох буолуутун судаарыстыбаннай инспекцията чопчулуурунан, «КрАЗ» массыына маһы тийэн иһэн, тимир суол ыллыгын туораары мотуора умуллан хаалбыт. Суоппар бастаан массыынатын собуоттуу сатаабыт, онтон поезд иһэрин көрөн массыынаттан тахсан барбыт.

1,5 чаас иһигэр саахал содула туоратыллыбыта бэлиэтэнэр. Суол быһылаана поестар сылдьар графиктарыгар дьайбатах.

Саахал тахсыытынан бэрэбиэркэ ыытыллар уонна буруйдаах быһаарыллар.