Саха сиригэр таас чох хостооһуна 4,4 %-н түстэ

2020 сыл бастакы алта ыйын устата Саха сирин таас чоҕу хостуур хампаанньалара 8,85 мөлүйүөн таас чоҕу хостоотулар, бу былырыыҥҥы көрдөрүүттэн 4,4 %-нан намыһах. Бу туһунан NEDRADV иһитиннэрэр.

Өрөспүүбүлүкэ бырамыысыланнаска министиэристибэтэ тириэрдэринэн, хостооһун кээмэйэ намтааһына Кытай өттүттэн уматык хаачыстыбатын хонтуруолугар киллэриллибит күүһүрүүттэн сибээстээн, таас чоҕу Кытайга таһаарыы аччааһыныттан таҕыста.

2020 сылга Саха сирэ уопсайа 21,3 мөлүйүөн туонна таас чоҕу хостууру былаанныыр. Ааспыт сылга 20,5 мөлүйүөн туонна былааҥҥа, 19,19 — хостоммута.

Өрөспүүбүлүкэ аҕыс таас чох баайдаах сиригэр хостооһун ыытыллар. Нерюнгри оройуонугар чох хостооһунунан «Якутуголь» АУо («Мечел» ПАУо киирэр), «Эльгауголь» ХЭУо ( Альберт Авдолян «А-Проперти» хампаанньатыгар киирэр), «Долгучан» ХЭУо, ону таһынан «Инаглинскай» ХБК АУо уонна «Денисовскай» ХБК АУо («УК «Колмар» ХЭУо састаабыгар киирэр) дьарыктаналлар. Томпо улууһугар хостооһунунан «Якутуголь» АУо дьарыктанар, Үөһээ Халымаҕа — «Зырянкатааҕы таас чох разреһа» АУо, Тааттаҕа — «Төлөн» ААУо.