Саха сиригэр табаһыттар уонна чуум үлэһиттэрин күрэҕэ ыытыллыаҕа

Муус устар 6-7 күннэригэр Аллараа Халымаҕа Arctic Skills норуоттар икки ардыларынааҕы эдэр табаһыттар күрэхтэрэ ыытыллыаҕа. Бу туһунан ТАСС иһитиннэрэр.

Колымскай сэлиэнньэтин чугаһынан эдэр табаһыттар туундараҕа «Табаһыт», «Механизатор-табаһыт», «Ураһа хаһаайката», «Маамыкта баайыыта», «Хотугу дьиэ тутуутун бырайыагын оҥоруу» хайысхаларынан куоталаһыахтара. Чуум көрөөччүлэргэ туспа уот оттуу, балык ыраастааһын, балык миинин буһарыы уонна чаанньык оргутуу күрэхтэрэ ыытыллыахтара.

Ону тэҥэ бары кыттааччыларага уопсай туундараҕа маҥнайгы көмөнү оҥоруу күрэҕэ ыытыллыаҕа.

«Туундараҕа маҥнайгы көмөнү оҥоруу табаһыт сүрүн билиитэ буолар. Онон бу күрэх эр дьон уонна дьахталлар хамаандаларыгар тэҥинэн ыытыллыаҕа», — диэн хотугу норуоттар Арктическай колледжтарын дириэктэрэ Елена Антипина бэлиэтээтэ.

Тэрээһиҥҥэ Норвегияттан табаһыттар колледжтарын учууталлара уонна устудьуоннара кэлэллэрэ былааннанар.