Саха сиригэр тыа баһаарын иэнэ аччаата

Суукка иһигэр өрөспүүбүлүкэҕэ тыа баһаара 42 гаанан аччаата. Бу туһунан Россия ыксаллаах быһыыга-майгыга министиэристибэтин пресс-сулууспата иһитиннэрэр.

Тыа баһаарын умуруорууга 706 киһи кытынна уонна 105 тиэхиньикэ туттулунна. «Ыарахан балаһыанньа Үөһээ Дьааҥы, Кэбээйи, Томпо уонна Уус-Алдан улуустарыгар бэлиэтэнэр. Бу улуустарга уопсайа 43 баһаар бара турар, нэһилиэнньэни баһаартан сэрэтэр үлэ ыытылынна», — диэн иһитиннэриигэ этиллэр.

Авиалесоохрана суһал иһитиннэриитинэн, Саха сиригэр 125 айылҕа баһаара 387,69 га иэннээх сиргэ бара турар. Суукка иһигэр 18 баһаар үөскээтэ, 13 умуруорулунна.