Саха сиригр оҕолорго суол быраабылаларын үөрэтэр мобильнай киин баар буолла

Дьокуускайдааҕы оҕо айымньытын дыбарыаһын базатыгар оҕолорго суол быраабылаларын үөрэтэр өрөспүүбүлүкэтээҕи мобильнай киин арыллынна. Бу туһунан СӨ баһылыгын уонна бырабыыталыстыбатын дьаһалтатын пресс-сулууспата иһитиннэрэр.

Киин уулусса уонна суол ситимин элеменнэринэн, ону тэҥэ суолга тахсыан сөп быһыыны-майгыны көрдөрөр информационнай матырыйаалларынан хааччыйыллыбыт микроавтобустан турар.

«Туһалаах оборудованиелаах анал микроавтобус өрөспүүбүлүкэҕэ «Куттал суох буолуутун лабораторията» федеральнай бырайыак чэрчитинэн бэрилиннэ. Маннык комплекстар Россия араас регионнарыгар хайыы үйэ бааллар, Саха сиригэр бастакы буолар», – диэн бырабыыталыстыба бэрэссэдээтэлин солбуйааччытын э.т. Сергей Местников эттэ.

Анал оптуобус улуустарынан сылдьан оскуолаларга уонна оҕо кииннэригэр суолга сэрэхтээх буолуу дьарыктарын ыытыаҕа.

Киин бүтүн Россиятааҕы оҕолор уонна ыччаттар кыттыылаах суол саахалларын намтатыы бырагырааматын иитинэн тэрилибитэ бэлиэтэнэр.