Саха сирин 102161 олохтооҕун биэнсийэтин страховой чааһа үрдээтэ

Атырдьах ыйын 1 күнүттэн өрөспүүбүлүкэ 102161 олохтооҕун биэнсийэтин страховой чааһа үрдээтэ. Индексацияҕа 2019 сылга үлэлээбит дьон биэнсийэлэрэ хабыллыбыта этиллэр.

Россиятааҕы биэнсийэ пуондатын Саха сиринээҕи салаата тириэрдэринэн, региоҥҥа биэнсийэ үрдээһинин орто көрдөрүүтэ 238,74 солкуобайга тэҥнэстэ.  Үрдээһин кээмэйэ үлэлээбит биэнсийэлээх киһи үлэ биэрээччитэ төлөөбүт страховой сууматыттан тутулуктааҕа бэлиэтэнэр.

«Страховой биэнсийэ чааһын сайабылыанньата суох хаттаан ааҕыы сыллата оҥоһуллар. 2019 сылга үлэлээбит тэрилтэлэрэ страховой взноһу төлөөбүт эрэ буоллаҕына, бу дьон биэнсийэлэрэ үрдүүр кыахтаах», — диэн этиллэр.