Саха сирин 11 спортсмена Россия спордун маастардарынан буоллулар

Саха сирин 11 спортсмена Россия спордун маастара ааты ылары ситистилэр. Бу туһунан «Спорт Якутии» иһитиннэрэр.

Дойду спортка миниистирэ Олег Матицин тустаах бирикээһэ муус устар 2 күнүгэр бигэргэннэ.

Спорт маастарын үрдүк аатын пауэрлифтинҥа Ярослав Морозов, Семен Попов уонна Юрий Стручков, буулдьанан ытыыга Наина Гоголева, Уйусхан Захаров уонна Ян Цой, тустууга Айтал Захаров, Алексей Захаров уонна Алина Казымова, шашкаҕа Елена Кычкина уонна Анатолий Протодьяконов ыллылар.