Саха сирин 14 нэһилиэгин гиэрбэтэ уонна былааҕа Россия регистиригэр киирдэ

Өрөспүүбүлүкэ 14 нэһилиэгин уонна улууһун официльнай бэлиэлэрэ Россия судаарыстыбаннай геральдическай регистиригэр киирдилэр. Бу туһунан СӨ баһылыгын уонна бырабыыталыстыбатын дьаһалтатытн пресс-сулууспата иһитиннэрэр.

«Хаҥалас улууһун былааҕа, Жатай куорат, Амма улууһун Эмис нэһилиэгин, Булуҥ улууһун Түмэти эбэҥки национальнай нэһилиэгин, Ленскэй оройуонун Ньүүйэ нэһилиэгин, Мэҥэ Хаҥалас улууһун Бастакы Тыыллыма нэһилиэгин, Нам улууһун Түбэ нэһилиэгин, Ньурба улууһун Хаҥалас уонна Сүлэ нэһилиэктэрин, Өлүөхүмэ улууһун Тээнэ нэһилиэгин, Орто Халыма улууһун Иккис Хаҥалас нэһилиэгин, Сунтаар улууһун Бүлүүчээн нэһилиэгин,Таатта улууһун Баайаҕа нэһилиэгин, Чурапчы улууһун Чакыр нэһилиэгин гиэрбэлэрэ уонна былаахтара Россия реестиригэр киирдилэр», – диэн этиллэр.

Билигин Саха сирин нэһилиэктэрин геральдиката тэтимнээхтик сайдар. Өрөспүүбүлүкэ Ил Дархананын салалтатынан үлэлиир геральдическэй сэбиэт нэһилиэктэр официальнай бэлиэлэрин оҥорууга көмө буолар. Бары бигэргэммит официальнай бэлиэлэр Россия геральдикатын ирдэбиллэригэр эппиэттииллэр.