Саха сирин 18 улууһугар аҕыйах ахсааннаах хоту норуотун тылынан дьыктаан суруйуохтара

Олунньу 20 күнүгэр өрөспүүбүлүкэ 18 улууһугар «Хоту сир аҕыйах ахсааннаах норуотун тылынан дьыктаан суруйуу» аахсыйа саҕаланыаҕа. Бу туһунан национальнай библиотека пресс-сулууспата иһитиннэрэр.

«Былырыын дьыктаан сурууйутугар өрөспүүбүлүкэ үрдүнэн 500-чэ киһи, Дьокуускайга 60-тан тахса киһи кыттыыны ылбыта. Быйыл оннооҕор элбэх киһи кыттыаҕа дии санаабыт, тоҕо диэтэр аахсыйаҕа Саха сирин 18 улууһуттан 41 нэһилиэк кыттыыста. Дьыктааны эбээн, эбэҥки, долган уонна юкагир тылынан суруйуохтара», -диэн этиллибит.

Аахсыйа сүрүн идиэйэтинэн аҕыйах ахсааннаах төрүт норуотун тылын чөлүгэр түһэрии уонна харыстааһын буолар.