Саха сирин 70 олохтооҕо навахту14.рф бырайыагынан промышленноска үлэлиэҕэ

Навахту14.рф саҥа бырайыак көмөтүнэн, 70 Саха сирин олохтооҕо промышленнай тэрилтэлэргэ үлэлиир буолуоҕа.

«Бырайыак уратыта — нэһилиэнньэҕэ агитациялааһынтан саҕалаан, кэпсэтиигэ бэлэмнээһин, докумуону толоруу, хас биирдии үлэҕэ киириэн сөптөөх киһиэхэ көмөлөһүү», — диэн «Саха сирэ — ПРОконсолидация» бырайыактыыр офис салайааччыта Петр Чехордун бэлиэтээтэ.

Бүгүҥҥү туругунан, бырайыак хамаандата 1819 үлэлиэн баҕалаах дьону испииһэгин оҥордо.

«Полиметалл» АУо-ны кытта бииргэ үлэлэһии түмүгүнэн, вакансияҕа сөп түбэһэр 70 үлэҕэ наадыйааччы докумуона хампаанньа көрүүтүгэр ыытылынна.