Саха сирин абитуриеннарыгар дойду медицинскэй кыһаларыгар 137 целевых миэстэни анаатылар

Дойду уонна өрөспүүбүлүкэ бырабыыталыстыбалара Саха сирин абитуриеннарыгар дойду медицинскэй үөрэҕин кыһаларыгар 137 целевых миэстэни анаатылар. Бу туһунан СӨ үөрэххэ министиэристибэтин пресс-сулууспата иһитиннэрэр.

Өрөспүүбүлүкэтээҕи үөрэх министиэристибэтэ дойду медицинскэй үрдүк үөрэх кыһаларыгар туттарсыы боппуруостарынан «Абитуриент чааһа» онлайн-вебинар ыытта. Вебинар кэмигэр оскуоланы бүтэрээччилэр кэккэлэригэр ыытыллыбыт математикаҕа, физикаҕа, химияҕа, биологияҕа, географияҕа, обществознаниеҕа, историяҕа уонна информатикаҕа профильнай олимпиадалар тустарынан кэпсээтилэр.

«Саха сирин бырабыыталыстыбата 2020-2021 үөрэх сылыгар дойду медицинскэй үрдүк үөрэх кыһаларыгар федеральнай бүддьүөт суотугар үөрэниигэ 137 миэстэлээх куонкурус ыытыаҕа», —диэн СӨ үөрэххэ миниистирин бастакы солбуйааччыта Михаил Присяжный кэпсээтэ.

Целевой миэстэлэр дойду доруобуйа харыстабылын эйгэтин бары сүрүннүүр үөрэх кыһаларыгар ананнылар. Ону таһынан Хотугулуу-Илиҥҥи федарльнай үнүбэрситиэткэ уонна Илиҥҥи федеральнай үнүбэрситиэккэ — 158 федеральнай целевой миэстэ.

Россия сүрүннүүр үөрэх кыһаларын кытта онлайн холбонуулар биир кэлим судаарсытыбаннай эксээмэннэр саҕаланыахтарыгар диэри ыытыллыахтара. Ааспыт уонна кэлэр вебинардар тустарынан иһитиннэриини СӨ үөрэххэ министиэристибэтин аккаунугар билсиэххэ сөп: @tsel.ykt.