Саха сирин бэтэрээн тустууктара Тбилисигэ аан дойду чөмпүйэнээтигэр кыттыахтара

Алтынньы 10 күнүгэр сэттэ саха тустууга Россия сүүмэрдэммит хамаандатын састаабыгар Грузия Тбилиси куоратыгар ыытыллар аан дойду көҥүл уонна греко-римскэй тустуу чөмпүйэнээтигэр кыттыахтара. Бу туһунан «Спорт Якутии» иһитиннэрэр.

«Спортсменнар биэс ыйааһын бөлөҕүнэн саастарынан арахсан кыттыахтара: А (35-40 саастаахтар), В (41-45 саастаахтар), С (46-50 саастаахтар), D (51-55 саастаахтар), E (56-60 саастаахтар)», — диэн эттиллэр.

Ааспыт сылга чөмпүйэнээт балаҕан ыйын 28-30 күннэригэр Македонияҕа ыытыллыбыт диэн бэлиэтэнэр. Онно саха тустуутун оскуолатын үөрэнээччилэрэ Сергей Слепцов уонна Вадим Данилов чөмпүйэнээт түмүк түһүмэҕэр тахсыбыттара, оттон Тааттаттан төрүттээх Петр Осипов боруонса мэтээли ылары ситиспитэ.