Саха сирин биэс кикбоксера полуфиналга таҕыстылар

Саха сириттэн биэс спортсмен Россия кикбоксиҥҥа чемпионатын полуфиналыгар кыттыаҕа. Кинилэр бүгүн «Триумф» спорт комплексыгар буолбут киирсиилэргэ бэйэлэрин ыйааһыннарыгар кыайыылааҕынан таҕыстылар. Ол курдук, 67 киилэҕэ диэри ыйааһыннаахтарга Михаил Иванов 3:0 очукуонан Алтай кыраайыттан Александр Сибукановы кыайда, Денис Андреев — Приморьеттан Максим Черненконы кыайда (2:1). Айаал Местников 54 киилэҕэ диэри ыйааһыннаахтарга Саха сириттэн Иван Лены кыайда. Тимофей Сивцев москвич Шамиль Адуховы (57 киилэ) 3.0 очукуолаах кыайда. 15-16 саастаах оҕолорго 42 киилэҕэ диэри ыйааһыннаахтарга Тимофей Сивцев Дагестан кикбоксера Заур Ильясовы сабырыйда.

Чемпионакка барыта 34 кикбоксер кыттар, первенствоҕа 55 уол киирсэр. Чемпионаты быһа эфиргэ 11.00 чаастан «Мамонт» ханаалга көрүөххэ сөп. Ханаал цифровой телевидениеҕа, Wink (РТК) сыһыарыыга уонна 751-с кнопкаҕа баар. Ону кытта НВК «Саха» ютубугар уонна мобильнай сыһыарыытыгар эмиэ көстөр. Күөн күрэс Россия кикбоксиҥҥа федерацията 30 сылыгар ананар.