Саха сирин боксердара Москва чемпионатыгар бириистээх миэстэҕэ тигистилэр

Саха сирин боксердара Москва чемпионатыгар бириистээх миэстэҕэ тигистилэр. Бу туһунан «Спорт Якутии» портал иһитиннэрэр.

49 киилэҕэ диэри ыйааһыҥҥа РФ спордун маастара, Саха сириттэн Борис Сидоров кыайыылааҕынан таҕыста. Кини Москва чемпионатыгар путевка ылла, ону тэҥэ Москва сүүмэрдэммит хамаандатын испииһэгэр киирдэ.

75 киилэҕэ диэри ыйааһыҥҥа Саха сириттэн Намир Андреев үрүҥ көмүс мэдээли ылла.

Эр дьоҥҥо уонна дьахталларга буокса Москватааҕы чемпионата атырдьах ыйын 10 күнүттэн 15 күнүгэр диэри «Измайлово» спортивнай комплекска ыытылынна. Быйыл чемпионакка 94 эр киһи уонна 29 дьахтар кытынна.

Кыайыылаахтар уонна бириистээх миэстэҕэ тиксибит кыттааччылар дипломунан, кубогынан уонна Россия буоксаҕа Федерациятын аатыттан өйдөбүнньүк бириистэринэн — боксерскай шлемынан уонна бэрчээккэнэн наҕараадаланнылар. Маны тэҥэ, бары медалистар харчынан бэлэх туттулар: 1 миэстэҕэ — 100 000 солкуобай, 2 миэстэҕэ — 75 000 солкуобай, 3 миэстэҕэ — 50 000 солкуобай.