Саха сирин боксердара Уһук Илиҥҥи чемпионакка биэс мэтээли ыллылар

Саха сирин боксердара Уһук Илиҥҥи регион чемпионатыгар биэс бириистээх миэстэни ыллылар. Бу туһунан «Спорт Якутии» иһитиннэрэр.

Чемпионат Улан Уде куоракка балаҕан ыйын 29 күнүттэн — алтынньы 3 күнүгэр диэри 19-40 саастаах эр дьон ортотугар ыытылынна. Саха өрөспүүбүлүкэтин аатыттан биэс араас ыйааһыҥҥа 10 спортсмен кытынна.

Михаил Варламов 57 киилэҕэ кыайыыны ситистэ уонна Россия чемпионатыгар кыттар путевка сүүйдэ. Николай Григорьев 52 киилэҕэ уонна Виталий Стручков 60 киилэҕэ үрүҥ көмүс мэтээллэри ыллылар. Ян Алексеев уонна Айаал Степанов 57 киилэҕэ боруонса мэтээллэри ыллылар.