Саха сирин боксердара Уһук Илин күрэхтэһиитигэр бириистээх миэстэлэри ыллылар

Саха сирин спортсменнара юниордарга Уһук Илин первенствотыгар боруонса мэтээли ыллылар. Күрэхтэһии Читаҕа ыытылынна. Бу туһунан «Спорт Якутии» иһитиннэрэр.

Турнир кыайыылаахтарынан уонна Россия первенствотыгар тахсарга быраабы Ленскэйтэн Максим Козлов (69 кг) уонна Нерюнгриттан Сергей Исаев (91 кг) ыллылар.

Үрүҥ көмүс мэтээллэри Чурапчыттан Валентин Иванов (52 кг), Нерюнгриттан Никита Никитин (60 кг) уонна Мирнэйтэн Александр Михайлов (81 кг) кыайдылар.

Боруонса мэтээлгэ Мэҥэ Хаҥаластан Эрик Китаев (49 кг) уонна Хаҥаластан Руслан Сплендер (75 кг) тигистилэр.

«Боксердар икки путевканы ыллылар. Куһаҕана суох түмүк дии саныыбыт. Ол эрээри биэс киһиттэн элбэх кыһыл көмүс мэтээли күүппүппүт», — диэтэ хомуур хамаанда тренерэ Василий Лисица.

Күрэхтэһиигэ барыта холбоон 86 юниор кытынна — Бурятияттан, Амур, Магадан, Сахалин уобаластарыттан уонна Хабаровскай, Приморскай, Забайкальскай кыраайтан.