Саха сирин эдэр тустууктара Иркутскай уобалас турнирыгар икки кыһыл, боруонса мэтээли ыллылар

Саха сирин үс спортсмена Иркутскай уобалас Осинскай оройуонугар ыытыллыбыт К.Н.Хайрулин бирииһигэр ыытыллыбыт көҥүл тустуу турнирыгар икки кыһыл уонна боруонса мэтээли ыллылар. Бу туһунан «Спорт Якутии» иһитиннэрэр.

Күрэхтэһии 30-тан 65 киилэҕэ диэри ыйааһыҥҥа, 2004 сыллаах төрүөх спортсменнарга ыытылынна.

Ол курдук, Өймөкөөн оройуонун Томтордооҕу оҕо спортивнай оскуолатын иитиллээччитэ Арсений Атласов 48 киилэҕэ диэри ыйааһыҥҥа кыайыылааҕынан таҕыста, онно 41 спортсмен кытынна.

60 киилэҕэ диэри ыйааһыҥҥа, 36 кыттааччыттан Чурапчы спортивнай оскуола-интернатын үөрэнээччитэ Айтал Громов кыайда.

Маны таһынан 35 киилэ ыйааһыҥҥа 56 кыттааччыттан Николай Винокуров боруонса мэтээли ылары ситистэ.

Турнирга Бурятияттан, Тываттан, Хакасияттан, Иркутскай, Новосибирскай уобаластарыттан уонна Саха сириттэн уопсайа 504 спортсмен кытынна.