Саха сирин эстрадатын тыйаатырыгар Юрий Платонов аатын иҥэрдилэр

Өрөспүүбүлүкэ эстрадатын тыйаатырыгар саха легендарнай атыыһын, ырыаһытын Юрий Платонов аатын иҥэрэр туһунан ыйаахха Ил Дархан Айсен Николаев илии баттаата. Бу туһунан СӨ култууратын министиэристибэтэ иһитиннэрэр.

Ааты иҥэрии туһунан көҕүлээһин тыйаатыр үлэһиттэрин көҕүлээһинэ буолара бэлиэтэнэр.

Саха сирин култуурата сайдарыгар Юрий Платонов киллэрбит кылаата улахан, Эстрада тыйаатырын историятыгар, эстрада искусствотыгар бэйэтин суолун-ииһин хаалларбыта.

Кини М.К. Аммосов аатынан ХИФУ норуоттар култуураларын уонна тылларын институтун култуура уонна фольклор кафедратын доцена, ыйынньык-тылдьыттаах музыка теорията элеменнээх кылгас ыйынньык ааптара, эстрада искусствотын сайдыытын историятын научнай үлэлэрин уонна монографияларын ааптардара.

Өрөспүүбүлүкэҕэ эстрада искусствотын сайдыытыгар улахан кылаатын иһин «Саха АССР үтүөлээх артыыһа», «РСФСР үтүөлээх артыыһа» ааттарынан, «Гражданскай килбиэн» бэлиэнэн наҕараадаламмыта, Мэҥэ Хаҥалас уонна Уус Майа улуустарын бочуоттаах гражданинынан ааттаммыта.