Саха сирин хамаандата RUSSIAN OPEN CHAMPIONSHIP – 2019 күрэххэ кыттыа

Дьокуускай уонна Мииринэй куораттар үҥкүүһүттэрэ, Саха сирин чиэһин норуоттар икки ардыларынааҕы RUSSIAN OPEN CHAMPIONSHIP – 2019 үҥкүү күрэҕэр көмүскүөхтэрэ. Бу туһунан чөмпүйэнээт портала иһитиннэрэр.

Саха сирин сүүмэрдэммит хамаандатын аатыттан сэттэ паара кыттыаҕа: икки Мииринэй уонна биэс Дьокуускай куораттан. Өрөспүүбүлүкэ үҥкүү спордун сойууһа иһитиннэрэринэн, кытааччылар ааспыт нэдиэлэҕэ Москва куоракка көппүттэр.

Үҥкүү спордун күрэҕэр уопсайа 42 дойду, 213 куорат, 74 регион, 619 үҥкүү кулууба уонна 6161 паара кытыыны ылыа. Үҥкүүһүттэр саастарынан бөлөхтөргө арахсан, 27 дьиссипилиинэнэн күөн көрсүөхтэрэ.

Норуоттар икки ардыларынааҕы Russian Open DanceSport Championships үҥкүү спордун күрэҕэ алтынньы 21-27 күннэригэр Москва куоракка Лужники спортивнай комплекска ааһыа.