Саха сирин хоту өттүгэр сылыйара күүтүллэр

Өрөспүүбүлүкэ хоту улуустарыгар кэлэр күннэргэ олохтоммут нуорматтан 12-14 кыраадыс сылаас буолара күүтүллэр. Бу туһунан ТАСС иһитиннэрэр.

«Сорох регионнарга холооно суох сылаас буолла. Саха сирин хоту өттүгэр уонна Камчаткаҕа кэлэр нэдиэлэҕэ салгын температурата олохтоммут нуорматтан 12-14 кыраадыс сылаас буолара күүтүллэр. Бу аномалия туһунан этэр буоллахха — саамай сылаас регионнар. Ол да буоллар, нуорматтан хадьайыы муҥутуур суолтатыгар, Саха сирин хоту өттүгэр салгын температурата -4-0 кыраадыска тиийиэҕэ», – диэн Гидрометцентр научнай салайааччыта Роман Вильфанд эттэ.

Дьокуускайдааҕы күнү-дьылы кэтээн көрөр сулууспа тириэрдэринэн, Дьокуускайга кэлэр сууккаҕа мөлтөх хаар түһэрэ, арҕаа өттүттэн сөкүүндэҕэ үс-аҕыс миэтэрэҕэ тиийэр күүстээх тыал үрэрэ сабаҕаланар. Салгын температурата түүнүн -14-16 кыраадыс, күнүһүн -5-7 кыраадыс буолара күүтүллэр.