Саха сирин IT исписэлиистэрэ «Цифровой прорыв» куонкурус финалыгар киирдилэр

Саха өрөспүүбүлүкэтин IT исписэлиистэрин хамаандата бүтүн Россия тааҕы «Цифровой прорыв» куонкурус финалыгар киирдэ. Бу туһунан СӨ инновацияҕа министиэристибэтин пресс-сулууспата иһитиннэрэр.

«Хакатоҥҥа Саха сирин исписэлиистэрин уон хамаандата кыттыыны ылла. Олортон биирдэстэрэ, тутуу үлэһиттэрэ GIS-дааннайдарга олоҕуран сир үлэлэрин сыаналаан уонна саҥа дьиэ тутуутун ойуулаан көрүөхтэрин сөп веб-сыһыарыыны оҥорон, бириистээх миэстэни ылла», — диэн этиллэр.

Алтынньы 2-4 күннэригэр ааспыт полуфиналга дойду 35 регионуттан барыта 750 исписэлиис кыттыыны ылла. Хамаандалар 77 трекердар уонна экспертэр көмөлөрүнэн дистанционно үлэлээтилэр. 48 чаас иһигэр IT исписэлиистэр нэһилиэнньэ олоҕун хаачыстыбатын тупсарар 60 сыһыарыыны оҥордулар.

Бастыҥ бырайыактар ааптардара үс мөлүйүөн солкуобай кэриҥэ суумалаах бириис пуондатын үллэһиннилэр, ону тэҥэ финалга сүрүн бириис иһин киирсэр уонна бэйэлэрин бырайыактарын олоххо киллэрэр кыахтаннылар.