Саха сирин киинэ бэстибээлигэр куонкуруһу таһынан биэс бырагыраама киирдэ

Саха сирин норуоттар икки ардыларынааҕы киинэ бэстибээлин чэрчитинэн куонкуруска киирбэтэх биэс бырагыраама киинэлэрин көрдөрүөхтэрэ. Бу туһунан СӨ баһылыгын уонна бырабыыталыстыбатын пресс-сулууспата иһитиннэрэр.

Испииһэккэ авторскай киинэ анимационнай бырагыраамата, кылгас миэтирэлээх киинэлэр, Кыайыы 75 сылыгар аналлаах бырагыраама, киинэ режиссера Александр Сокуров киинэлэрэ уонна сахалыы киинэ киирдилэр.

Киинэ бэстибээлин дьыалабыай бырагырааматын чэрчитинэн саха киинэ ситимин сакааһынан «Eiki» дьоппуон хампаанньата оҥорбут, киинэ бырайыагын техническэй презентацията ааһара бэлиэтэнэр.

Саха сирин V-c норуоттар икки ардыларынааҕы киинэ бэстибээлэ кулун тутар 18 — 22 күннэригэр Дьокуускайга ыытыллыаҕа. 2020 сылга бэстибээлгэ кыттарга 40 дойдуттан 925 сайаапка киирбитэ этиллэр.