Саха сирин үүнэр көлүөнэ тыйаатыра «Улахан гастроллар-2020» федеральнай бырагыраама кыттааччыта буолла

Үүнэр көлүөнэ тыйаатыра «Улахан гастроллар-2020» федеральнай бырагыраамаҕа кыттыста. Бырагыраама чэрчитинэн кыттааччылар дойду 73 регионугар сылдьаллара былааннанар. Бу туһунан ТАСС иһитиннэрэр.

«Регионнар икки ардыларынааҕы «Улахан гастроллар» бырагыраама — Калининградтан Камчаткаҕа, Дербентан Чукоткаҕа диэри дойдуну барытын хабар улахан култуурнай опыт атастаһыытынан буолар», — диэн гастроллары өйүүр федеральнай киин генеральнай дириэктэрэ Елена Булукова кэпсээтэ.

Барыгараама кыттыылаахтарынан улахан биллиилээх тыйаатырдары тэҥэ, саҥа биллэн эрэр оҕо уонна ыччат тыйаатырдара буоллулар, олор истэригэр: Саха сирин эдэр көлүөнэ тыйаатыра, «Буратино» Магнитогорскайдааҕы куукула уонна артыыс тыйаатыра, «Куукула дьитэ» Пенза уобаластааҕы тыйаатыра, Марийск куорат эдэр көлүөнэ тыйаатыра, Сахалин, Карелия өрөспүүбүлүкэтин уонна Тува судаарыстыбаннай куукула тыйаатырдара уонна Москватааҕы оҕо камернай куукула тыйаатыра.