Саха сирин оҕолоро Жаутыковскай олимпиадаҕа биэс мэтээли кыайдылар

Саха сирин оҕолоро информатикаҕа, математикаҕа уонна физикаҕа норуоттар икки ардыларынааҕы Жаутыковскай олимпиадаҕа биэс мэтээли кыайдылар. Бу туһунан Ил Дархан Айсен Николаев бэйэтин страницатыгар иһитиннэрэр.

«Өрөспүүбүлүкэтээҕи лицей-интернат үөрэнээччилэрэ Казахстан Алматы куоратыгар буолбут Жаутыковскай олимпиадаҕа биэс мэтээли кыайдылар. Стас Новиков, Андрей Замятин, Айаал Соров, Никита Семенов уонна Тимур Зыков аан дойду 18 дойдутуттан 140 оскуола оҕотун кытта күөн көрсөн, Саха сирин чиэһин көмүскээтилэр», — диэбит кини.

Норуоттар икки ардыларынааҕы Жаутыковскай олимпиада 2005 сыллаахтан ыытыллар, информатикаҕа, математикаҕа, физикаҕа 10-11 кылаас үөрэнээччилэрин түмэр.