Саха сирин оҕунан ытааччылара Россия Кубогар боруонса мэтээли ситистилэр

Саха сирин сүүмэрдэммит хамаандата оҕунан ытыыга Россия Кубогар боруонса мэтээлинэн наҕараадаланна. Бу туһунан «Спорт Якутии» иһитиннэрэр.

Күрэхтэһии Орел куоракка тохсунньу 27 күнүттэн олунньу 1 күнүгэр диэри ыытылынна. Россия 36 регионуттан 440 спортсмен кэлэн, классическай уонна блок оҕунан ытыы икки көрүҥэр күрэхтэстилэр.

Блок оҕунан ыытыыга олимпийскэй эрэллэри бэлэмниир училище устудьуона Дайаана Винокурова, Өлөөнтөн төрүттээх Марианна Винокурова уонна Чурапчытааҕы спортивнай оскуола иитиллээччитэ Жанна Кириллина хамаанданан боруонса мэтээли ситистилэр.

Бүгүн, олунньу 5 күнүттэн дьиэ иһигэр оҕунан ытыыга Россия чөмпүйэнээтигэр күрэхтэһиэхтэрэ.