Саха сирин олохтооҕо кыһыннары күөх үүнээйилэри үүннэрэр

Саха сирин урбаанньыттара сити-фермерство диэн саҥа сүүрээни олоххо киллэрэн саҕалаан эрэллэр. Дьокуускай куорат олохтооҕо Наталия Мир үүнээйилэри дьиэтигэр олордон атыыга таһаарар.

«Сити-фермерствонан кыбартыыра түннүгэр күөх үүнээйилэри үүннэрэн да дьарыктаныахха сөп. Сити-фермердар диэн куорат усулуобуйатыгар бэйэлэрин дьиэлэригэр оҕуруот аһын үүннэрэр дьон», – диэн Наталия кэпсиир.

Судаарыстыба гранын ылан эдэр урбаанньыт «Гроу-тент» диэн анал тент бүрүһүөннээх сабыылаах мини-теплицаны атыылаһан, үүнээйигэ сөптөөх температураны ылар. Маныаха тыйыс айылҕаҕа маннык ньыманан үүммүт үүнээйи олус элбэх иҥэмтиэлээх эттиктэринэн хааччыллар. Бэлиэтээн эттэххэ күөх маасса, олор истэригэр томат сэбирдэҕэ, хаппыыста арааһа, редискэ, күөх от уонна экзотическэй сибэккилэр С битэмиининэн хааччыллаллар.

Бу маннык сити-ферма салаатын баҺылыырга Наталияҕа норуоттар икки ардыларынааҕы «Сити-чермердар» конференциялара төһүү күүс буолбут. Итини сэргэ судаарыстыбаттан субсидия көрүллэн баҕа санаатын олоххо киллэбит.

Эдэр урбаанньыт олордор үүнээйилэрин ахсаанын кэҥэтэр уонна сити-фермерствоны өрөспүүбүлүкэҕэ киэҥник тарҕатар былааннаах.