Саха сирин олохтооҕун биир кэлим социальнай картата оҥоһуллуоҕа

Төлөбүрү уонна өҥөнү оҥорорго биир кэлим социальнай карта оҥоһуллуоҕа. Бу туһунан СӨ бырабыыталыстыбатын уонна баһылыгын дьаһалтатын пресс-сулууспата иһитиннэрэр.

«Социальнай карта чэпчэтиилэри быһаарар бэлиэ быһыытынан туһаныллыан сөп, оннооҕор Саха сирин тас өттүгэр бырагыраама бииргэ үлэлэһэр тэрилтэлэрин өҥөлөрүн туһанарга, эбэтэр табаар атыылаһарга чэпчэтиинэн туһаныахха сөп», — диэн өрөспүүбүлүкэ бырабыыталыстыбатын бэрэссэдээтэлин э.т. Андрей Тарасенко иһитиннэрдэ.

Саха сирин олохтооҕун биир кэлим социальнай картата судаарыстыбаннай уонна муниципальнай өҥөлөр төлөбүрү оҥорор уонна үпкэ харчыга сыһыана суох сервистэрин холбуоҕа.

«Маны таһынан, карта бигэргэммит бэлиэтин оҥорууга куонкурус биллэриллиэҕэ. Манна өрөспүүбүлүкэ олохтооҕо барыта кыттыан сөп», — диэн Андрей Тарасенко бэлиэтээтэ.

Социальнай карта бырайыагын олоххо киллэрии быйыл саҕаланарын туһунан кини бэлиэтээн эттэ.