Саха сирин олохтоохторун экологическай дьыктааҥҥа кыттарга ыҥыраллар

Өрөспүүбүлүкэ олохтоохторун, сэтинньи 15 күнүттэн саҕаланыахтаах, бүтүн Россиятааҕы экологическай дьыктааҥҥа кыттарга ыҥыраллар. Бу туһунан СӨ Экологияҕа министиэристибэтэ иһитиннэрэр.

Бүтүн Россиятааҕы экологическай дьыктаан — айылҕаҕа харыстабыллаахтык сыһыаннаһарга уонна экология туһунан билии таһымын үрдэтэргэ, экология култууратын олохтуурга туһуламмыт сырдатар аахсыйа.

«Аахсыйа сыалынан, нэһилиэнньэҕэ экологическай билиини тарҕатыы, маны таһынан, экология эйгэтигэр сокуону кэһиини сэрэтии миэритин быһыытынан, айылҕа туһунан билиини уонна култуураны үрдэтии», — диэн иһитиннэриигэ этиллэр.

Экологическай дьыктааҥҥа ким баҕалаах кыттыан сөп. Дьыктаан боппуруостара кыттааччы сааһынан уонна билиитин таһымынан көрөн бэлэмнэниэҕэ. Кыттааччылары бэлиэтээһин уонна ыытыллар түһүмэхтэрин нэһилиэнньэҕэ иһитиннэрии куонкурус сайтын нөҥүө ыытыллыаҕа.

Ылбыт балларыттан көрөн кыттааччылар туоһу сурук ылыахтара. Кыайыылаахтар бочуотунай грамотанан уонна сыаналаах бириистэринэн наҕараадаланыахтара.