Саха сирин олохтоохторун информационнай технологияҕа босхо үөрэтиэхтэрэ

Информационнай технология сатабылыгар үөрэнэргэ дьону ыҥыраллар. Сайаапканы http://цифровойсертификат.рф/ порталга туталлар. Бырагыраамаҕа киирсэргэ тустаах хайысхаҕа онлайн-тургутугу ааһыахха наада.

Үөрэҕи уһуйааччылаах эбэтэр соҕотоҕун ааһыаххын сөп. Саха сирин олохтоохторо маннык хайысханан үөрэниэхтэрин сөп: «Анализ и разметка данных», «Интернет вещей и «умная» бытовая автоматизация», «Статистические расчеты в Excel», «Веб-дизайн и разработка», «Разработка мобильных приложений», «Сетевое и системное администрирование», «CAD\CAM прототипирование и промышленный дизайн», «Системы удаленного доступа, распределенные и облачные вычисления», «Проектирование в системе AutoCAD», онтон да атын.

«Куурус 36 чаастаах, 18 сааһыттан саҕалаан биэнсийэ ылар сааска тиийэ дьону хабар. Бырагыраамаларынан Саха сирин олохтоохторо босхо үөрэниэхтэрин сөп. Бу сыл бүтүөр диэри үөрэххэ сертификаттарыи түҥэтиэхпит, онтон эһиилгиттэн үөрэх саҕаланыаҕа», — диэн идэлээх үөрэхтээһини сайыннарыы институтун дириэктэрин солбуйааччы, үөрэх куратора Майя Курнева кэпсээтэ.

Бырагыраама «Кадры для цифровой экономики» федеральнай бырайыак уонна «Цифровая экономика Российской Федерации» национальнай бырагыраама чэрчитинэн ыытыллар.

Бырабыыталыстыба бэрэссэдээтэлэ Владимир Солодов этэринэн, 2019 сыл бүтүөр диэри Саха сиригэр 1000 цифровой сертификат биэрэр былааннаахтар.

«Биһиэхэ цифровой экономика ыраах сытарбытын боруостуур ньыма. Ол иһин федеральнай бырайыакка биир бастакынан киирэрбит улахан суолталаах. Онон 1000 тахса IT исписэлиис тахсыахтаах», ‒ диэтэ Солодов.

Бырагыраама туһунан билсэр төл.: (800) 700-20-35

Саҥа үөрэх куурустарын манна көрүөххүтүн сөп: http://prog.2035.university.