Саха сирин оскуола иннинээҕи оҕону иитии салаата үйэлээх үбүлүөйүн бэлиэтиир

Бүгүн, балаҕан ыйын 27 күнүгэр оскуола иннинээҕи оҕону иитии-үөрэтии тэрилтэлэрин өрөспүүбүлүкэтээҕи салаатын үйэлээх үбүлүөйэ бэлиэтэнэр. Бу туһунан СӨ үөрэххэ уонна наукаҕа министиэристибэтин пресс-сулууспата иһитиннэрэр.

Саха сиригэр оскуола иннинээҕи үөрэхтээһин тэрилиибит күнүнэн 1920 сыл балаҕан ыйын 1 күнэ ааҕыллар. Сэбиэскэй былаас кэлбитин кэннэ, Дьокуускай куоракка баар үс оҕо дьиэтэ оскуола иннинээҕи уонна оскуола саастаах оҕолор төгүрүк суккалаах үс уһуйааннарыгар уларытан оҥоһуллубуттара.

Бүгүҥҥү күҥҥэ Саха сиригэр 809 араас хабааннаах оскуола иннинээҕи саастаах оҕолору иитэр-үөрэтэр тэрилтэлэригэргэ уопсайа 8157 испиэлиис үлэлиир уонна 73 тыһыынчаттан тахса оҕо иитиллэр.

«Саха сирин оскуола иннинээҕи саастаах оҕолору үөрэхтээһин салаата улахан сайдыы, ис хоһоонун хаачыстыбалаахтык сөргүтүү, үлэ табыгастаах уонна көдьүүстээх быһыытын көрдөөһүн суолун ааста», — диэн СӨ үөрэххэ уонна наукаҕа миниистирэ Михаил Сивцев бэлиэтээтэ.