Саха сирин оскуолаларын уонна уһуйааннарын 160 мөл. солк. рецекулятордарынан хааччыйдылар

Саха сирин оскуолаларыгар уонна оҕо уһуйааннарыгар регион бүддьүөтүн суотугар 158,7 мөлүйүөн солкуобайдаах салгын рецулятордарын атыыластылар. Бу туһунан СӨ үөрэххэ министиэристибэтин пресс-сулууспа аиһитиннэрэр.

Өрөспүүбүлүкэ оскуола иннинээҕи уонна уопсай үөрэх тэрилтэлэрэ бары оборудованиеларынан хааччылыннылар. Министиэристибэ саҥа хааччыйыылары былааннаабат.

Регион суһал штабын салайааччытын солбуйааччыта Ольга Балабкина эпидемиологическай балаһыанньа туһунан брифинин кэмигэр оскуолаларга куттала суох усулуобуйаны тэрийии суолтатын тоһоҕолообута.

«Бу нэдиэлэттэн саҥа үөрэх чиэппэрэ саҕаланна, онон муниципальнай тэриллиилэр уонна судаарыстыбаннай былаас уорганнарын сүрүн соруктарынан оскуолаларга куттала суох усулуобуйаны тэрийии буолар. Хас биирдии үөрэх тэрилтэтигэр салгын рециркулятордара туруорулуннулар, сэрэхтээх буолууга туһаайыллар бары миэрэлэр ылыллаллар», – диэн эттэ.

Ону таһынан оскуолалар уонна уһуйааннар 65-тэн аҕа саастаах уонна хроническай ыарыылардаах үлэһиттэрэ бары дистанционнай үлэҕэ көһөрүллүбүттэрин бэлиэтээтэ.

Инники этиллибитинэн, өрөспүүбүлүкэ бары 649 оскуолата икки нэдиэлэлээх каникул кэнниттэн үөрэиини саҕалаата. Үөрэнээччилэр 42 %-ра очно үөрэнэр, 47 %-ра – очно-заочно дьүөрэлээн.

Олохтоох бэйэни салайыныы салалтата эпидемиологическай балаһыанньаны учуоттаан үөрэхтээһин быһыытын туһунан быһаарыыны бэйэтэ ылынар.