Саха сирин өрүстэрин уутун таһыма үрдүүр

Өлгөм арадахтар түһэннэр өрүспүүбүлүкэ өрүстэрин ууларын таһыма үрдээһинэ бэлиэтэнэр. Бу туһунан Россия ыксаллаах быһыыга-майгыга министиэристибэтин өрөспүүбүлүкэтээҕи салаатын пресс-сулууспата иһитиннэрэр.

«Кин улуустарынан Өлүөнэ өрүс уутун таһыма үрдүү турар. Покровскайдааҕы гидропост аттынан уу эбиллиитин муҥутуур үрдүк көрдөрүүтэ бэлиэтэннэ, өрүс уута үс миэтэрэҕэ тиийэ таҕыста. Кэлэр сууккаҕа ″Табаҕа — Дьокуускай″ учаастакка уу таһымын 5-10 сантиметр үрдээһинэ күүтүллэр», – диэн этиллэр.

Бу кэмҥэ «Витим–Саҥыйахтаах» учаастакка уу таһымын намтааһына бэлиэтэнэр.

Кэлэр күннэргэ Томпо улууһугар Алдан өрүс уутун таһыма үрдүүрэ күүтүллэр. Ону тэҥэ ардах уута киирэн Сайдыы гидропоһун аттынан Адыаччы өрүс уута үрдээһинэ бэлиэтэннэ.

Инникик этиллибитинэн, Зырянка бөһүөлэгин аттынан атырдьах ыйын 4 күнүттэн уу таһыма барыллаан 50-90 сантиметр үрдүүрэ күүтүллэр,